19 января – Крещение Господне. Богоявление. 15 февраля – Сретение Господне. 7 апреля – Благовещение Пресвятой Богородицы. 19 августа – Преображение Господне. 28 августа – Успение Пресвятой Богородицы. 21 сентября – Рождество Пресвятой Богородицы. 27 сентября – Воздвижение Честнаго и Животворящаго Креста Господня. 4 декабря – Введение во храм Пресвятой Богородицы. 7 января – Рождество Христово.
Двунадесятые переходные христианские праздники
Пасха– празднуется в первое воскресенье после весеннего равноденствия и полнолуния, после истечения полной недели со времени Иудейской Пасхи. Приходится на период с 22 марта по 25 апреля по старому стилю. Вербное воскресенье, или Вход Господень в Иерусалим – отмечается за неделю до Пасхи. Вознесение – на сороковой день после Пасхи. День Святой Троицы (Пятидесятница) – празднуется на пятидесятый день после Пасхи.
Великие праздники
14 января – Обрезание Господне(Старый Новый год). 7 июля – Рождество Иоанна Предтечи. 12 июля – святых первоверховных апостолов Петра и Павла. 11 сентября – Усекновение главы Иоанна Предтечи. 14 октября – Покров Пресвятой Богородицы.
Пасхалия на 2020 год
Седмица мясопустная – 16 февраля – 22 февраля. Седмица сыропустная (масленица) – 23 февраля – 1 марта. Прощёное воскресенье – 1 марта. Начало Великого поста – 2 марта. Неделя Ваий (Вербное воскресенье-Вход Господень в Иерусалим) – 12 апреля. Пасха – 19 апреля. Вознесение Господне – 28 мая. День Святой Троицы (Пятидесятница) – 7 июня. День Святого Духа – 8 июня Начало Петрова поста – 15 июня.
Вправославном церковном календаре около 200 дней занято постами. Каждый верующий должен поститься по средам и пятницам в течение всего года, в Крещенский сочельник, в День Усекновения главы Иоанна Крестителя, в праздник Воздвижения Креста Господня. Есть ещё и четыре многодневных поста: Великий, Петровский, Успенский, Рождественский.
Великий пост начинается с понедельника, после сыропустной недели(масленицы), и продолжается около семи недель, вплоть до Пасхи. Он разделяется на две части: Святую четыредесятницу и Страстную седмицу.
Петров пост начинается в первый понедельник после Духова дня и заканчивается 12 июля – в День святых Петра и Павла.
Успенский – с 14 по 28 августа.
Рождественский пост – с 28 ноября по седьмое января. Он длится 40 дней.
Памятные даты
Январь:14 –Обрезание Господа нашего Иисуса Христа
На престоле огнезрачнем в вышних седяй со Отцем Безначальным и Божественным Твоим Духом, благоволил еси родитися на земли от Отроковицы, неискусомужныя Твоея Матере, Иисусе: сего ради и обрезан был еси, яко человек осмодневный. Слава всеблагому Твоему совету, слава смотрению Твоему, слава снисхождению Твоему, едине Человеколюбче. 14 – Святителя Василия Великого, архиепископа Кесарии
Каппадокийской Во всю землю изыде вещание твое, яко приемшую слово твое, имже боголепно научил еси, естество сущих уяснил еси человеческия обычаи украсил еси, царское священие, отче преподобне, моли Христа Бога, спастися душам нашим. 15 –(также августа 1). Преп.Серафима Саровского
От юности Христа возлюбил еси, блаженние, и Тому Единому работати пламение вожделев, непрестанною молитвою и трудом в пустыни подвизался еси; умиленным же сердцем любовь Христову стяжав, избранник возлюблен Божия Матере явился еси, сего ради вопием ти: спасай нас молитвами твоими, Серафиме, преподобне отче наш. 27 – Св.равноапостольной Нины
Слова Божия служительнице, во апостольстей проповеди Первозванному Андрею и прочим Апостолом подражавшая, просветительнице Иверии, и Духа Святаго цевнице, святая равноапостольная Нино, моли Христа Бога спастися душам нашим. Февраль: 7 – празднование в честь иконы Божией Матери "Утоли моя печали"
Утоли болезни многовоздыхающия души моея, Утолившая всяку слезу от лица земли. Ты бо человеком болезни отгониши и грешным скорби разрушаеши; Тебе бо вси стяжахом надежду и утверждение, Пресвятая Мати Дево. 9 – (также ноября 26). Св. Иоанна Златоустого
Уст твоих, якоже светлость огня, возсиявши, благодать вселенную просвети; не сребролюбия мирови сокровища сниска, высоту нам смиренномудрия показа. Но твоими словесы наказуя, отче Иоанне Златоусте, моли Слова Христа Бога, спастися душам нашим. 12 – Собор трех святителей Василия Великого, Григория Богослова и Иоанна Златоустого
Яко Апостолом единонравнии и вселенныя учителие, Владыку всех молите, мир вселенней даровати и душам нашим велию милость. 18 – празднование в честь иконы Божией Матери "Взыскание погибших"
Радуйся, Благодатная Дево, во объятиях Своих Предвечнаго Младенца и Бога носившая, проси Его дати миру умирение и душам нашим спасение. Сын бо Тебе, Богомати, вещает, яко вся прошения Твоя во благое исполнит. Сего ради и мы, припадающе, молимся и надеющиися на Тя, да не погибнем, имя Твое именуем. Ты, бо еси, Владычице, Взыскание погибших. 25 – (также июня 2 и октября 18). Святителя Алексия, Митрополита Московского и всея Руси
Яко Апостолом сопрестольна и врача предобра, и служителя благоприятна, к ране твоей честней притекающе, святителю Алексие, богомудре чудотворче, сошедшеся любовию в память твою, светло празднуем, в песнех и пениих радующеся и Христа славяще, таковую благодать тебе даровавшего исцелений и граду твоему великое утверждение. ВНеделю 2-ю Великого поста. Собор преподобных Печерских отцов
Егда снидосте во гробы и самех себе заключисте, тогда страсти умертвивше плотския, спогребостеся Христу, Богоноснии, и диавольския в подземных разрушисте ограды; сего ради ангели венцы с небес вам подают. Март:20 – (также июня 11). Празднование в честь иконы Божией Матери "Споручница грешных"
Умолкает ныне всякое уныние и страх отчаяния исчезает; грешницы в скорбех сердца обретают утешения, и небесною любовию озаряются светло. Днесь бо Мати Божия простирает к нам спасающую руку и от пречистаго образа Своего вещает, глаголя: Аз споручница грешных к Моему Сыну. Сей дал Мне за них руце слышати Мя выну. темже людие, обремененнии грехьми и скорбьми многими, припадите к подножию Ея иконы со слезами вопиюще: Заступнице мира- грешных Споручнице! Умоли матерними Твоими молитвами Избавителя всех, да Божественным всепрощением покрыет грехи наша, и светлыя двери райския отверзет нам. Ты бо еси предстательство и спасение рода христианскаго! Апрель:27 – Свв.муч.Антония, Иоанна и Евстафия Виленских
Иже земных чести и славы отвергшеся, доблии и честнии страдальцы, веры ради крепкого и мужественно муки претерпесте, на смерть себе давше за Живот всех Владыку. Темже и Христос преславно столпом облачным с небесе вас озари, и почестьми и венцы от престола славы венча. Со ангелы Тому предстояще молите спастися душам нашим. Май: 6 – (также 9 декабря). Св.великомученика и Победоносца Георгия
Яко пленных свободитель и нищих защититель, немощствующих врач, победоносче великомучениче Георге, моля Христа Бога, спастися душам нашим. 22 – перенесение мощей Святителя и Чудотворца Николая
Приспе день светлаго торжества: град Барский радуется, и с ним вселенная вся ликовствует песньми и пеньми духовными; днесь бо священное торжество, в пренесение честных и многоцелебных мощей Святителя и Чудотворца Николая, якоже солнце незаходимое возсия светозарными лучами, разгоняя тьму искушений же и бед от вопиющих верно: спасай нас, яко предстатель наш, великий Николае. 24 – свв. равноапостольных Кирилла и Мефодия
Яко Апостолом единоправнии и Словенских стран учителие, Кирилле и Мефодие Богомудрии, Владыку всех молите, вся языки Словенския утвердити в православии и единомыслии, умирити мир и спасти души наша. Июнь: 3 – (также июля 6 и сентября 8). Празднование в честь Владимирской иконы Божией Матери
Днесь светло красуется славнейший град Москва, яко зарю солнечную восприимши, Владычице, чудотворную Твою икону, к нейже ныне мы, притекающе и молящеся Тебе, взываем сице: о, пречудная Владычице Богородице, молися из Тебе воплощенному Христу Богу нашему, да избавит град сей и вся грады и страны христианския невредимы от всех навет вражиих и спасет души наша, яко Милосерд. Июль: 1 – (также апреля 7). Празднование в честь иконы Боголюбской Божией Матери
Боголюбивая Царице, неискусомужная Дево, Богородице Марие, моля за ны Тебе возлюбившаго и рождшагося от Тебе Сына Твоего, Христа Бога нашего: подати нам оставление прегрешений, мирови мир, земле плодов изобилие, пастырем святыню и всему человечу роду спасение. Грады наша и страны Российския от нахождения иноплеменных заступи, и от междоусобныя брани сохрани. О Мати, Боголюбивая Дево! О Царице Всепетая! Ризою Своею покрый нас от всякаго зла, от видимых и невидимых враг защити и спаси души наша. 7 – рождество Иоанна Крестителя
Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется. 9 – празднование в честь Тихвинской иконы Божией Матери
Днесь, яко солнце пресветлое, возсия нам на воздусе всечестная икона Твоя, Владычице, лучами милости мир просвещающи, юже великая Россия, яко некий дар Божественный, свыше благоговейне восприимши, прославляет Тя, Богомати, всех Владычицу, и от Тебе рождшагося Христа Бога нашего величает радостно. Емуже молися, о Госпоже Царице Богородице, да сохранит вся грады и страны христианския невредимы от всех навет вражиих и спасет верою поклоняющихся Его Божественному и Твоему пречистому образу, Дево Неискусобрачная. 12 – святых первоверховных Апостолов Петра и Павла
Апостолов первопрестольницы и вселенныя учителие, Владыку всех молите мир вселенней даровати и душам нашим велию милость. 18 – (также октября 8). Преподобного Сергия, Радонежского чудотворца
Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником; темже и вселися в тя Пресвятый Дух, Егоже действием светло украшен еси. Но яко имея дерзновение ко Святой Троице, поминай, стадо, еже собрал еси мудре, и не забуди, якоже обещался еси, посещая чад твоих, Сергие преподобне, отче наш. 28 – св. равноапостольного князя Владимира
Уподобился еси купцу, ищущему добраго бисера, славнодержавный Владимире, на высоте стола седя матере градов, Богоспасаемого Киева; испытуя же и посылая к Царскому Граду уведети православную веру, и обрел еси безценный бисер, Христа, избравшаго тя, яко втораго Павла, и оттрясшаго слепоту во святей купели, душевную вкупе и телесную. Темже празднуем твое успение, людие твои суще; моли спастися державны твоея Российския начальником и множеству владомых. Август:2 – святого Пророка Божия Илии.
Во плоти Ангел, пророков основание, вторый предтеча пришествия Христова Илиа славный, свыше посланый Елиссееви благодать недуги отгоняти и прокаженныя очищати; темже и почитающим его точит исцеления. 4 – святой равноапостольной Марии Магдалины.
Христу нас ради от Девы рождшемуся честная Магдалина Мария последовала еси, Того оправдания и законы хранящи; темже днесь всесвятую твою память празднующе, грехов разрешение молитвами твоими приемлем. 5 – (также 21 сентября)- празднование в честь Почаевской иконы Божией Матери.
Пред святою Твоею иконою, Владычице, молящиися исцелений сподобляются, веры истинныя познание приемлют, и агарянская нашествия отражают. Темже и нам, к Тебе припадающим, грехов оставление испроси, помыслами благочестия сердца наша просвети, и к Сыну Твоему молитву вознеси о спасении душ наших. 9 – святого великомученика и целителя Пантелеимона.
Страстотерпче святый и целебниче Пантелеимоне, моли милостиваго Бога, да прегрешений оставление подаст душам нашим. 29 – Перенесение Нерукотворенного образа Господа нашего Иисуса Христа. Пречистому Твоему образу поклоняемся, Благий, просяще прощения прегрешений наших, Христе Боже: волею бо благоволил еси плотию взыти на крест, да избавиши, яже создал еси, от работы вражия. Тем благодарственно вопием Ти: радости исполнил еси вся, Спасе наш, пришедший спасти мир. Сентябрь: 11 – Усекновение главы Иоанна Крестителя.
Память преведнаго с похвалами, тебе же довлеет свидетельство Господне, Предтече; показал бо ся еси воистину и пророков честнейший, яко и в струях крестити сподобился еси Проповеданнаго. Темже за истину пострадав радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость. 17 – празднование в честь иконы Божией Матери "Неопалимая Купина".
Иже в купине, огнем горящей и несгораемей, показавый Моисеови Пречистую Твою Матерь, Христе Боже, огнь Божества неопальне во чреве приимшую и нетленну по рождестве пребывшую, Тоя молитвами от пламене страстей избави нас, и от огненных запалений град Твой сохрани, яко Многомилостив. Октябрь: 9 – преставление св.Иоанна Богослова.
Апостоле, Христу Богу возлюбление, ускори избавити люди безответны: приемлет тя припадающа Иже падша на перси приемый. Егоже моли, Богослове, и належащую мглу языков разгнати, прося нам мира и велия милости. 14 – Покров Пресвятой Богородицы.
Днесь благовернии людие, светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим покровом и избави нас от всякаго зла, молящи Сына Твоего, Христа Бога нашего, спаси души наша. 18 – Святителей Московских: Петра, Алексия, Ионы, Филиппа и Ермогена.
Первопрестольницы Российстии, истиннии хранителие апостольских преданий, столпи непоколебимии, Православия наставницы: Петре, Алексие, Ионо, Филиппе и Ермогене, Владыку всех молите, мир вселенней даровати и душам нашим велию милость. 26 – (а также 25 февраля, 13 апреля и во вторник Светлой седмицы)- празднование в честь Иверской иконы Божией Матери.
От святыя иконы Твоея, о Владычице Богородице, исцеления и цельбы подаются обильно с верою и любовию приходящим к ней. Тако и мою немощь посети, и душу мою помилуй, Благая, и тело исцели благодатию Твоею, Пречистая. Ноябрь: 6 – празднование в честь иконы Божией Матери "Всех скорбящих радость".
К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози на ны милосердовавши, потщися(поспеши), погибаем от множества прегрешений: не отврати Твоя рабы тщи, Тя бо и едину надежду имамы. 21 – св.Архистратига Божия Михаила и прочих бесплотных Сил.
Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны припадающия прилежно и вопиющия: от бед избавите нас, яко чиноначальницы вышних Сил. 22 – празднование в честь иконы Божией Матери, именуемой "Скоропослушница".
К Богородице притецем сущии в бедах, и ко святей иконе Ея ныне припадём, с верою зовуще из глубины души: скоро услыши наша моления, Дево, яко Скоропослушница нарекшаяся. Тебе бо раби Твои в нуждах готовую Помощницу имамы. Декабрь:6 – Св. благоверного князя Александра Невского
Яко благочестиваго корене пречестная отрасль был еси, блажение Александре: яви бо тя Христос, яко некое Божественное сокровище Российстей земли, новаго чудотворца, преславна и Богоприятна; и днесь сошедшеся в память твою верою и любовию, во псалмех и пениих радующеся славим Господа, давшаго тебе благодать исцелений. Егоже моли спасти град сей и сыновом Российским спастися. 7 – Св.великомученицы Екатерины
Добродетельми, яко лучами солнечными, просветила еси неверныя мудрецы и, якоже пресветлая луна ходящим в нощи, неверия тьму отгнала еси, и царицу уверила еси, вкупе же и мучителя обличила еси, Богозванная невесто, блаженная Екатерино; желанием востекла еси в небесный чертог к прекрасному Жениху Христу, и от Него царским венцем венчалася еси; Емуже со ангелы предстоящи, за ны молися, творящия пречестную память твою. 10 – Празднование в честь иконы Божией Матери "Знамение"
Яко необориму. стену и источник чудес стяжавше Тя раби Твои, Богородице Пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость. 17 – Св.великомученицы Варвары
Варвару святую почтим: вражия бо сети сокруши и яко птица избавися от них помощию и оружием Креста, всечестная. 19 – Святителя Николая, архиепископа Мирликийского
Правило веры и образ кротости, воздержания учителя, яви тя стаду твоему, яже вещей истина; сего ради стяжал еси смирением высокая, нищетою богатая. Отче священноначальниче Николае, моли Христа Бога спастися душам нашим. 22 – (также мая 14 и в Неделю Всех святых). Празднование в честь иконы Божией Матери "Нечаянная радость"
Днесь вернии людие, духовно торжествуем, прославляюще Заступницу усердную рода христианского и, притекающе к пречистому Ее образу, взываем сице: о Премилостивая Владычице Богородице, подаждь нам нечаянную радость, обремененным грехи и скорбьми многими, и избави нас от всякого зла, молящи Сына Твоего Христа Бога нашего, спаси души наша.
МОЛИТВА
Отче наш. Иже еси на небесех! Да святится имя Твое, да приидет царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Аминь.
Пресвятой Богородице Тропари
1. К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши; потщися, погибаем от множества прегрешений; не отврати Твоя рабы тщи, Тя бо и едину надежду имамы.
2. Не умолчим никогда, Богородице, силы Твоя глаголати недостойнии; аще бо Ты не бы предстояла молящи, кто бы нас избавил от толиких бед? Кто же бы сохранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых. Величания:
1. Величаем Тя, Пресвятая Дево, Богоизбранная Отроковице, и чтем образ Твой святый, имже точиши исполнения, всем с верою притекающим.
2. Достойно есть величати Тя, Богородице, честнейшую Херувим и славнейшую без сравнения Серафим.
СИМВОЛ ВЕРЫ
Верую во единаго Бога Отца, Вседержителя, Творца небу и земли, видимым же всем и невидимым.
И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век, Света от Света, Бога истинна от Бога истинна, рожденна, несотворенна, единосущна Отцу, Имже вся быша.
Нас ради человек и нашего ради спасения сшедшаго с небес, и воплотившагося от Духа Свята и Марии Девы, и вочеловечшася.
Распятаго же за ны при Понтийстем Пилате, и страдавша, и погребенна.
И воскресшаго в третий день по Писанием.
И восшедшаго на Небеса, и седяща одесную Отца.
И паки грядущаго со славою судити живым и мертвым, Егоже Царствию не будет конца.
И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки.
Во Едину Святую, Соборную и Апостольскую Церковь.
Исповедую едино Крещение во оставление грехов.
Чаю воскресения мертвых, и жизни будущаго века.
Аминь.
Десять заповедей Божиих
1. Аз есмь Господь Бог твой: да не будут тебе бози инии, разве Мене. 2. Не сотвори себе кумира, и всякаго подобия, елика на небеси горе и елика не земли низу, и елика в водах под землёю: да не поклонишися им, ни послужиши им. 3. Не приемли имене Господа Бога твоего всуе. 4. Помни день субботний1, еже святити его: шесть дней делай и сотвориши в них вся дела твоя, в день же седмый суббота Господу Богу твоему. 5. Чти отца твоего и матерь твою, да благо ти будет и да долголетен будеши на земли. 6. Не убий. 7. Не прелюбы сотвори. 8. Не укради. 9. Не послушествуй на друга твоего свидетельства ложна. 10. Не пожелай жены искренняго твоего, не пожелай дому ближняго твоего, ни села его, ни раба его, ни рабыни его, ни вола его, ни осла его, ни всякого скота его, ни всего, елика суть ближняго твоего.
=================== 1 Еврейское слово "суббота" означает покой. У христиан вместо субботы празднуется воскресенье.
Две заповеди Господни о любви
1. Возлюбиши Господа Бога твоего всем сердцем твоим, и всею душею твоею, и всею мыслию твоею. 2. Возлюбиши искренняго твоего, яко сам себе(Мф. ХХII, 37, 39).
